عاوزه جوزك يبقي رومانسي !! تعالي وانا اقولك

طبعا كل واحده بيبقي نفسها جوزها يبقي رومانسي ودلوقتي كمان الظاهره دي زادت اوووي لما بقينا نشوف المسلسلات التركية والاجنبيه بس عاوزه اعرفك ان ده تمثيل وماتقارنيش جوزك بواحد من المسلسلات دي تقعدي تقولي ياسلام لو جوزي زي مهند :D 
وبعدين اصلا الحب في المسلسلات از زي دي مش موجوده بصو حبايبي أنا هقولك من الاخر كده ..
وماتقوليش ابدا ده جوزي كان حاجه ايام الخطوبة وكان رومانسي ودلوقتي لا
انا هفهمك هوا بيبقي كده ايام الخطوبة علشان انتي بعيده عنو وبيبقي ملهوف عليكي  ودي طبعا هتختفي بعد الجواز اللهفه دى ورغبته فيكى هى الى بتحركه وتخليه رومانسى ويقعد يدلع فيكى واشى وردة حمرا لا دبدوب ابيض لا ازازة برفيوم لا كلام ناعم ونظرات رومانسيه مجرد مايتجوز اللرغبة ال عندو خلاص بيشبعها والراجل من طبعو مش بتاع كلام يعني يعني الحب عندو مثلا:

لما يفسحك فسحه جميله...ده حب
لما تلاقيه قلقان عليكى لما تتاخرى...ده حب
لما تلاقيه بيشتريلك حاجه نقصاكى ...ده حب
لما تلاقيه يشيل البيت وانت تعبانه ...ده حب
لما يقعد يحكى معاكى فى امور الحياة ...ده حب
لما يشتكيلك من حاجه تعباه ومضايقاه ....ده حب
لما تلاقيه بيشكر فى طبيخك ...ده حب
لما يعامل اهلك كويس ...ده حب

وفي النهاية جوزك بيتعب طول النهار في شغلو يعي لما ييجي بيتو تخففو عنو الاحمال ال عليه شوية وسيبك من المسلسلات التركية ال هتودي بيوتنا في داهية ..

وشكرا ليكم..

10:51:00 م