كيـــف تسعدين فــي حيـــاتك الزوجيـــة

السلام عليكم ورحمة اللـه وبركاته 

اتمني انكم لما تقرئو الموضوع ده تستفيدو منه 

موضوعنا النهارده ازاي تكوني سعيده مع زوجك وتكون حياتك سعيده معاه

1 - طبعا اول حاجه اهتمي اووي بدينك يعني صلاتك , ذكرك , ودعائك ومتخليش اي حاجه تشغلك عنه ابدا

2 - وانتي بتعملي اي حاجه اعمليها لنفسك يعني علشان تسعدي نفسك مش علشان جوزك 

ومن هنا ابدئي بتغيير نفسك تغيير جذري علشان نفسك

ملخص ال فات  :

1-بعد الطاعة والقيام بالواجبات كالصلاة والصيام .الخ ..
2-وبعد الاذكار اليومية ..

3 - القناعة الذاتية : يعني ياحبيباتي لازم تكوني مقتنعه بكل شيئ حواليكي مقتنعه بجوزك جدا وانو ده نصيبك وترضي بيه جدا وتقنعي نفسك انو افضل زوج علي الاطلاق وان مافيش زيو

4 - الدعاء لزوجك : دايما ادعي لزوجك باللي تتمنيه  ان ربنا يصلح حاله  ويكون ليكي زوج صالح وماتنسيش بقي اوقات الدعاوي المستجاب

5 - اكثري من الاستغفار والله ان ده سحر عظيييييم جدا جدا جربي كده تستغفري مثلا بنية صلاح الحال استغفري وانتي فاضية وممكن وانتي واقفه في المطبخ وانتي في اي مكان

6 - ابدئي من دلوقتي وغيري نفسك غيري من شخصيتك ومن طريقة لبسك ومش لازم طبعا كل ماتعملي حاجه ان جوزك يلاحظو عليكي وتزعلي لو ماخدش بالو لا خااااااالص اصلا انتي بتعملي كده لنفسك زي ماتفقنا .

انا كده خلصت الموضوع ده وان شاء الله اقابلكم في موضوع تاني 

اتمني تتركو تعليقاتكم وتتناقشو معانا في الموضوع وهل استفدتو فعلا وللا لا 

وجزاكم الله خيرا ..

1:13:00 م